- جريدة النهار - http://alnnhar.com -

مساء الخير باللهجة المصرية

في حجات جوانا
دايما نداريها
عن كل البشر
تحفر بينا
زي إزميل في الحجر
يعني لما بتبكي
تقول بقشر بصل
ولما تصرخ
تقول
بجرب صوتي
من كتر الملل
ولما تنظر في المرايه
متبقاش عارف
دا إنت ولاااااا إنت؟
في حجات جوانا
صوتها عااااالي
لكن محدش يسمعه
وفكل مرة صوتها يعلى
نحاول نكتمه
لكن دي
أضافرهاااا
طويلة تجرحنا واحنا
من داويها
نطبطب عالجرح
حتى يستوي
ومكااانه
يتكوي
نداري ٱه فصمتنا
وبفرحنا
وفحزننا
وفدمعنا
وحتى
فينا كلنا.