الفنانة عبير صبرى تنشر منشورا علي حسابها علي«الفيسبوك»وتناشد بها المخرجين والمنتجين لمساعدة ودعم الفنانين الكبار ورجعوهم للعمل وكتبت عبير صبرى خلال منشورها«انا بقالي شهور مش بدخل علي الفيس بوك مجرد صور وخلاص بتتشير اتوماتيك من الانستجرام بس حبيت اقول كلمتين ورجاء لكل شخص مسؤول في مهنه الفن من اساتذتنا منتجين ومخرجين ارجوكم في منتجين فنيين كبار كان ليهم شغلهم من كام سنه وتوقفوا غصب عنهم وفنانين كبار وشباب طموح عاوز يبدا في التمثيل كل دول قعدين في بيوتهم وبيكلمونا نساعدهم يلاقوا فرصه ييفتحوا بيوتهم ويصرفوا علي اولادهم ..ارجوكم لوسمحتم ساعدوا الناس حرام خلوا الناس تشتغل افتحوا ابوابكم لاسامي تانيه وسعوا الدايره شويه عشان ربنا عشان الدنيا تمشي الدنيا بقت صعبه علي الجميع ربنا يكفي الجميع شر القهر والعوز والاحباط..كل راعي مسؤول عن رعيته واللي في ايده منصب ولا شركه ولا غيره يساعد الناس ده واجبه تجاه مهنته وتجاه اهل المهنه الكرام ..شكرا لكم».
كانت أخر أعمال عبير صبرى مسلسل «يوتيرن» في شهر رمضان 2022،بطولة ريهام حجاج، توفيق عبدالحميد، كريم قاسم، محمود حجازي، أيمن قسيونى، صفاء الطوخى، محمود حجازى، والعمل تأليف أيمن سلامة، من إنتاج جمال العدل، وإخراج سامح عبدالعزيز.
