نشر محمد أنور علي صفحته الرسميه علي الفيسبوك وقال (لو فتحت كومنتات اي بوست علي الفيس بوك او اي فيديو علي اليوتيوب هتلاقي شتايم مهما كان المحتوي لو المحتوي بتاعك حلو هتلاقي شتايم بس مش هتتشهر ولو المحتوي وحش هتلاقي شتايم بس صاحب المحتوي هيتشهر جدا وعلي الاساس ده بقت الاخبار والتصريحات والفيديوهات بتتكتب بطريقه تحس انها عاوزه الناس تشتم في الكومنتات المهم الريتش يعلي والشير يزيد حتي لو صاحب الخبر مقالش كده بالظبط احنا نظبطها بحيث يكون قال كده فيتشتم اكتر
وبسبب ده فيه ناس مشهوره جدا ونجوم جدا علي السوشيال ميديا وبيطلعو في برامج وبيمثلوا في مسلسلات وبيعملوا اغاني وبياخدوا جوايز واي صوره بتنزل ليهم بتبقي خبر ومحدش يعرفهم في الشارع خالص
والعكس فيه ناس محبوبه جدا واعمالهم ناجحه جدا في الشارع والناس بتحبها وعاوزه تشوفها ومغمورين جدا علي السوشيال ميديا
علي قد مابتدفع فلوس للصفحات والبيدجات والكوميكس علي قد ماهتبقي نجم ومشهور وترند وناجح علي السوشيال ميديا وهتاخد جوايز في المهرجانات مش هتدفع خلي حب الناس في الشارع ينفعك
واكبر دليل علي كلامي ده شهر رمضان اللي جي ده هتلاقي مسلسلات مكسره الدنيا علي السوشيال ميديا وابطالها في كل البرامج من ٢ رمضان وفي الحقيقه محدش بيتفرج عليها واللي ناجح بجد في الشارع لو مدفعش فلوس للسوشيال ميديا عشان يبين نجاحه ده ولا هيبان
ملحوظه : انا عارف ان كلامي ده هيتاخد منه اللي يخليني اتشتم بس وهيسيبو اللي مش هيعمل ريتش…
