فنون

مدير أعمال الفنان يوسف شعبان السابق(الراجل العظيم ده علمني ان حب الناس ودعائهم ليا اغلي من الماس

نعي محمد حجاج مدير أعمال الفنان يوسف شعبان السابق،وكتب علي حسابه«البقاء والدوام لله الراجل العظيم ده انا اشتغلت معاه وانا عندي ١٦ سنه مساعد كنت لسه عيل صغير فضلت معاه سنين عمري يكبر ويعلم فيا لغاية ما وصلت مدير اعماله ووقف جنبي وعملي فرحي وربنا كرمني بولدين سميت الكبير علي اسمه يوسف وكان فرحان اوي فرحان اوي بيا زي ابنه كون شخصيتي وعرفني يعني ايه اصول الشغلانه علمني ازاي ابقي راجل وابقي قد المسؤليه عرفني احس بالناس واساعدهم من غير مقابل علمني لما اشتغل اي حاجه احبها واخلص فيها. علمني اني مهما ربنا ادالي ووسع عليا افضل زي مانا نفسيتي متتغيرش ولا اتغر ولا اتكبر علمني ان حب الناس ودعاءها ليا اغلي من الماس علمني القرب من ربنا اهم من القرب من اي بشر مهما كان علمني كبرني في عقلي وتفكيري اللي سبقوا سني بكتير علمني اني مخافش من حد غير ربنا علمني ما اوهمش ولا اغش حد علمني ابقي دوغري وصريح علمني ان محدش يكسر عيني وان محدش احسن مني طول ما انا حقاني ومبظلمش حد علمني وعلمني وعلمني هعيش عمري كله فاكر كل نصيحه وكلمه قالهالي وعملت بها كانت هي سبب كل اللي انا وصلت له بفضله الله  ثم الراجل العظيم ده ربنا يرحمك ويسامحك ويدخلك فسيح جناته ويجعلك مع الصديقين والشهداء والصالحين امين يارب .

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى