أشاد الرئيس عبد الفتاح السيسى، بدور عمال مصر على مدار التاريخ، قائلا: “خلال الاربع سنوات مجهود العمال كان بارز.. ومحدش يقدر ميخودش باله من اللى حفر قناة السويس فى سنة وعمل محطات الكهرباء فى سنتين وعمل الطرق اللى لسه شغالين فيها فى الأربع سنوات”.
وأكد الرئيس السيسى فى كلمته خلال الاحتفال بعيد العمال، للعمال، قائلا “الشغل الكثير اللى حصل بيأكد حاجة واحدة اللى فى مكانى ميقدرش يعمل حاجة من غيركم، انتم عمال وعاملات مصر تقومون بهذا الدور وبقولكم هتتعبوا معايا اكتر”.
وطالب الرئيس السيسى العمال الاهتمام بالانتخابات النقابية القادمة، قائلا “من فضلكم اهتموا بالأمور اللى زى كده.. واهتموا تولى عليكم من يصلح وده اذا كنتم عايزين نطلع قدام فى كل مجال اختاروا كويس، واختاروا اللى عنده منطق سليم وإنصاف وامانة”.
وتابع: “دور على اللى عنده منطق وموضوعية وانصاف ولانه لما ينصفك هينصف مصر، وفى الانتخابات من فضلكم وده مش امر بسيط وده صوتكم، وفى الانتخابات النقابية وفى كل انتخابات اوعوا تستهيونى بالموضوع ده وبعدين تقولوا احنا ظلمنا انفسنا فى الانتخابات”.
وقدم الرئيس عبدالفتاح السيسي، الشكر والتقدير والاحترام، لكل مصرى يبنى ويساعد من أجل وقوف مصر على قدميها، وتقدمها إلى الأمام، مؤكدا أن الله سبحانه وتعالى وشعب مصر العظيم حموا مصر، وتابع: “اللى حما مصر شعب مصر وبفكركم إن كل بيت مصرى بسيط قدم ابن فى الجيش والشرطة شهيد.. الإبن ده عند ربنا دلوقتى هو ده مش أنا”.
