الفنانة إيمان سيد تطلب من المصابين بفيروس كورونا، وخصوصاً من الوسط الفني، بأن يعلنوا عن إصابتهم، لغلق دايرة العدوى، وقالت إيمان عبر حسابها على الفيس بوك، “عارفة إن في شغلتنا دي لو حد تعب سواء كان تعب بسيط أو مزمن، مش بيرضى يقول خوفًا على شغله، وده لِما تعودنا عليه من إن اللي بيتعب بيقعد في بيتهم، وفيه ناس بتتعالج من أمراض صعبة بدون ما أي حد يعرف وناس بتعلن عن تعبها بعدما يتم شفاؤها، ورغم كدا بيفضلوا الناس برضوا مترددين يستعينوا بيهم في شغل، ولكن لما نكون بنتكلم عن وباء إحنا هنا قدام واجب أخلاقي ان الناس لازم يقولوا عشان يقفلوا دايرة العدوى ويحذروا كل المخالطين ودول بدورهم يتعزلوا، شكرًا لكل الناس اللي بيعلنوا عن إصابتهم في كل مجال أو مكان، المرض مش عيب العيب أنك تتسبب في انتشاره، وربنا يشفي الجميع”
