تامر عاشور بعد إتهامه بالتريقه علي مرض السرطان «اللي أخد كلامي تريقة هم اللي مرضى»

الفنان تامر عاشور تعرض لى هجوم بعد تعليقه على صورة لإحدى مريضات السرطان، وهو ما أزعج الجمهور.
كان «تامر عاشور» قد قال صورة الطفلة المريضة«لأ خدي إنتي أنا صايم يا فاطرة.. بحبك»،

ثم عاد توضيح سبب التعليق السابق وقال «صباح الخير – انا طول حياتي ومشواري عمري ما اتريقت على حد سليم علشان اتريق على مريض حاش لله – واللي اخد كلامي تريقه على مريض نفوسهم ضعيفه وهم اللي مرضى بيفرقوا بين المريض والشخص الطبيعي.لو نزلت صورتي مع اي طفل ” اللي هو غير مُكلف بالصيام ” وقولتله ب اي طريقه”متشربش مياه قدامي يا فاطر ” او “خد دي يا فاطر انا صايم “حد هيتكلم ؟ مستحيل علشان طفل طبيعي لكن المريض لاااااا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعاملاتنا -المرض الحقيقي هو التفرقه بين اطفالنا اللي بصحه جيده ربنا يديهم كل الصحه واطفالنا اللي ربنا اختارهم للمرض المرض الحقيقي هو ان فكره ” المعايره ” جاتلك قبل ١٠٠ فكره تانيه ممكن تجيلك من جمال البنت وضحكها وبهجه الصوره وللأسف شوفت كمان حاجه غريبه جدا ناس كتير قوي محسوبين على “هامش هامش هامش المجال الفني ” عمرهم ما شافو مني حاجه وحشه غير اني مباديهمش مواعيد لاقيتلهم تعليقات كأنهم ما صدقوا لاقولي غلطه وانصحهم “العمر بيجري حاولو تعملو حاجه لنفسكم أولى”