الطب فى مصر القديمة ذى شأن عظيم

بما اننا بنتكلم عن الطب فلازم نتكلم عن اول وثيقة طبية في تاريخ البشرية
و هي تخص ارض الكنانة مصر.. يعني اول وثيقه اتكتبت في مجال الطب كانت من مصر
و عمرها حوالي من ١٦٠٠ ق.م و لكن الكلام فيها قدمه من ٣٠٠٠ ق.م
و احتمال كبير يكون اللي كتبها هو الطبيب المصري امنحوتب.. في اوقات الاسرات ١٦،١٧ في الدولة الوسطي .

و هي اول بردية بتتكلم عن التخصص الطبي (الجراحة) بشكل متخصص و مرتب يثير الدهشة..

و كمان مش بس هي اقدم وثيقة طبية ..

بل المصريين اول من استخدمواا كلمة “الدماغ “..

و اول من عرضوا تشريحه.. و وصفوا السحايا و السائل الدماغي الشوكي..

البردية بتتكلم عن ٤٨ حالة من حالات الجراحة زي “كسر الجمجمة،و اصابات النخاع الشوكي ” في بحث دقيق و عناوين مرتبة علي شكل تشخيص وفحص ثم طرق العلاج..

و كمان بينت بوضوح ان المركز المسيطر علي الطرفيين السفليين في الجسم هو الدماغ و دي كانت طفره في القرن الثامن عشر..

معظم و اغلبية الحالات في البردية كانت ناتجة عن اصابات معارك،او سقوط علي الارض”

تخلو البردية من اي خرافات او سحر ! و تعتمد فقط علي العلم و الطب..

وهي اول وثيقة طبية تؤرخ لحالة فقدان الصوت بعد اصابة الرأس..

طبعا بتسأل نفسك ليه اسمها “ادوين سميث”

و ده لان اللي اشتراها من تاجر مصري كان عالم مصريات امريكي يدعي “ادوين سميث” .. و تبرعت بيها ابنته بعد موته ثم اتعرضت البردية في متحف بروكلين

لكن البردية حاليا هي في “اكاديمية نيويورك للطب” ..

في وصف لورم الثدي موجود في البردية.. بيقول الطبيب المصري .. لمعرفة الورم المفروض نجس الورم براحة اليد و يكون الثدي فجآ كالفاكهه الغير ناضجة..

و هنا موضوع يثير الدهشه .. لانه في الطب الحديث يجب ملامسة الورم براحة اليد مش بالصوايع.. by flat of the hand

و وصفه كالفاكهه الغير ناضجة .. موجودة الان في الطب الحديث ٢٠١٧ بوصفه كالكمثري الغير ناضجة..

و هنا يقول ( قل لاهل المريضه .. هذا داء ليس لي حيلة فيه )

و هنا طبعا بتبان شفقه الطبيب المصري انه قال قل لاهل المريضه و ليس للمريضه نفسها.. تجنبآ لأن يحزنها..