طريق الكباش او طريق ابو الهول في معظمه دا طريق للمواكب والاحتفالات في مصر القديمة بمدينة طيبة اللي هى الاقصر عاصمه العالم القديم، وإحدي عواصم مصر في عصرها الذهبي، وكان فيه عيد مهم جدا هو عيد الابت(العيد دا كان موكب المعبود امون في مصر القديمه بيخرج من معابد الكرنك الي معبد الاقصر مستخدما طريق المواكب الكبرى والعوده الي معابد الكرنك مرة اخرى بعد قضاء من عشرة ايام الي ثلاثه اسابيع في بعض الفترات وبيتم عمل احتفالات عظيمة في جميع ارجاء طيبة.
في اهتمام واصرار من الدوله علي عمل حفل افتتاح اسطوري لطريق الكباش الذي يربط بين معبد الاقصر ومعابد الكرنك بطول٢٧٠٠ متر، يليق بعظمه الحضارة المصرية، ويعكس إهتمام الدوله بالاثار والتراث المصرى، وهى رساله اطمئنان للعالم كله ان مصر تستطيع.
الافتتاح العظيم ان شاء الله هيكون يوم ٤ نوفمبر العيد القومى لمحافظه الاقصر، واليوم دا يوم ذكري اكتشاف مقبرة الملك الذهبي توت عنخ امون عام ١٩٢٢م.
في الحدث الرائع هيتم عرض وتقديم وغناء انشودة آمون العظيمة (ودي أنشودة مصرية قديمة)، ذي انشودة ايزيس اللي شفناها كلنا فى موكب نقل المومياوات الملكية وافتتاح متحف الحضارة.
الحدث الأسطورى دا هيتذاع علي كل القنوات العالمية والمصرية عشان نفتخر ببلدنا وتاريخنا وحضارتنا الحدث دا والاحتفال بيه بيعكس قوة مصر وهيخلينا كلنا نتفاخر اننا مصريين.
