النجم الكبير تامر حسنى يستجيب لمعجبة تمنت مقابلته، وتم اللقاء بينهم عن طريق اصدقائها المقربين دون أن تعلم هى وكانت قد تعرضت المعجبه بيرهان عادل لحادث أليم نتج عنه وفاة والدتها، وتسبب فى فقدانها الذاكرة لفترة وشلل تام، وكان حبها وتأثرها بنجمها الكبير تامر حسني بمثابة الداعم الأكبر لشفائها.
وكتبت بيرهان عادل علي صفحتها أنا لسه بحاول استوعب اللى حصل من امبارح و مش عارفة و مش فاهمة و مش مصدقة لحد دلوقتى دى أحلى مفاجأة حصلتلى فى حياتى كلها أنا كنت مصدقة جداً و عندى يقين إنى هقابلك فى يوم و أتكلم معاك بس متخيلتش خالص إنه دلوقتى فضلت أستوعب ده حلم ولا حقيقة هو أنت بجد ؟؟ شكراً إنك طلعت زى ما أنا بتخيلك بالظبط و أحسن شكراً إنك طلعت تستاهل حبى ليك و دفاعى عنك فى أى كلمة عليك و حب الناس ليك و حب ربنا قبلنا كلنا علشان اللى ربنا بيحبه بيحبب فيه خلقه يارب دايماً من نجاح لنجاح و دايماً ملهم لكل الناس اللى بتحبك شكراً على الاستقبال اللى كان أكبر و أهم من أحلامى و شكراً على كلامك و شكراً على كل حاجة ربنا يباركلك و يفرحك بأولادك و تشوفهم أحسن ناس فى الدنيا شكراً إنك دخلت قلبى الفرحة بعد ٣ سنين وجع و تعب و فراق و عياط و طبطبت عليا بكلامك إن الدنيا هتكون أحسن و إن حياتى ليها معنى و ادتلى أمل فى الدنيا تانى لما وعدتنى إننا هنتقابل تانى بس أوعدك إنى هكون أحسن زى ما اتفقنا❤️ الحمدلله يارب إن اتحققلى حلم من أكبر أحلامى و شوفته و اتكلمت معاه و قولتله كل اللى كان نفسى أقوله..الحمدلله الحمدلله..
https://www.instagram.com/tv/CKoOjJJFHVC/?utm_source=ig_web_copy_link
ورد افنان الكبير تامر حسني وكتب على الإنستجرام: يا بيرهان أنا اللي فخور بيكي و فرحان بيكي أكتر من أي حاجه و كلامك شرف كبير ليا و فرحه كبيره لقلبي إني اكون داعم بعد ربنا لشفائك و دي حاجه كبيره جداً بالنسبالي أنا فرحان إني شوفتك و سمعت قصتك أكتر ماانتي فرحانه بمقابلتي و بكتييييير كمان والله ،، يارب أشوفك بكامل الشفاء قريب جداً و بدعوات كل اللي شافوا قصتك رغم صعوبتها و صعوبة الحادث الأليم اللي اتعرضتيله و نتج عنه وفاة والدتك الله يرحمها و فقدان ذاكره لفتره و شلل مفقود الأمل في شفائه ، و كل الصعوبات اللي مريتي بيها في رحلة علاجك ، بشكرك لإرادتك العظيمه للعوده مره تانيه لحياتك الطبيعيه ، إنتي درس كبير يتعلم منه كل انسان فاقد الأمل في شيء بشكر قرايبك و أخواتك اللي رتبولك المقابله دي عشان فعلاً هما نِعمَ السند و الضهر ربنا يحفظك و يشفيكي و يشفي كل مريض
https://www.instagram.com/tv/CKutJ_qgDsG/?utm_source=ig_web_copy_link
