النجم تامر حسنى يهنئ رامي السبيعي “بيج رامى” لاعب كمال الأجسام المصرى لحصوله على لقب بطولة مستر أولمبيا 2020، على حسابه علي الفيس بوك. وكتب تامر:”اللي فوق صورة البطل العالمي بيج رامي لما خسر في 2017 هو فعلاً خسر بس معرفش اليأس ورجع اتمرن أكتر وعاند واجتهد وصبر وصمم أنه يروح تاني ويكسب ويبقى بطل العالم والأول والمنتصر”الصورة دي درس لكل حد حاسس بإحباط ولكل حد فشل قبل كده، أن الأمل موجود بس أنت خليك فولاذي بجد خليك شخص مصمم على النجاح كلنا فشلنا ميت مرة بس إصرارنا على تحقيق أحلامنا كان أقوى من إحساسنا بحزن الفشل والله مش كلام وخلاص دي حقيقه والصورة دي درس عظيم لكل الناس مبروك يا بطل يا عالمي طبعاً انتصارك ده شرف لكل مصري وعربي”.
