رامى صبرى قال عبر خاصية الاستورى من يومان على الانستجرام :”تامر حسين عشرة نجاحات كتيرة أوى، وعزيز الشافعى عزيز وغالى، كان سوء تفاهم وعدى، حصل خير”.
ورد تامر حسين عليه علي حسابه الشخصى الفيسبوك: “لم يتم الاعتذار عن (الاتهام الباطل) ومفيش حاجة اسمها سوء تفاهم (سوء تفاهُم من طرفك) مش من طرفنا مش عيب انك تقول بتعتذر أنها ماكنتشى أغنيتك وأنك غلطت فى حقنا وقلت كلام لا أساس له من الصحة، الناس محتاجه تتأكِد مين على حق وصاحب الحق، بمجرد اعترافك بالغلط حايتم التنازل عن أى إجراء قانونى خدناه ضدك بسبب إنك بتكابِر، لو فعلا أصحابك وعشرة عُمرك وباقى ع الإنسانيات قول كلمة حق مين فينا وعدك بأنها أغنيتك؟”.
وكان الفنان رامى صبرى كشف قبل كده عن تدخل هانى شاكر ومدحت العدل على خط أزمته الأخيرة مع تامر حسين والملحن عزيز الشافعى، بعد غنائه أغنية “شكرا” للهضبة عمرو دياب بصوته على السوشيال ميديا، وكتب عبر”الانستجرام””كلمنى نقيب المهن الموسيقية الاستاذ هانى شاكر والدكتور مدحت العدل اليوم كل الاحترام لهم وحاضرهنسى اللى فات بس لو حصل أى تجاوز مرة تانية على أى قناة أو أى مكان على السوشيال ميديا من الشاعر والملحن سيتم رفع دعوى قضائية ضدهم اللهم بلغت اللهم فأشهد”.
اضاف تامر حسين إلى رامى صبرى: “أنت عارف إنها مش ليك يا ريت مايكونش البوست ده عشان أغنية نازله لك ومش عايز حد يهاجمها، لازم نحترم عقول الناس أكيد أحنا مش كل البوستات، بنجرى ورا ضلال إحنا بنثبت الحق للجمهور المحترم اللى واثق فى أخلاقنا”.
