كشف الفنان رامي جمال عن إصابته بمرض البهاق، الذي انتشر بشكل واضح في جسده خلال الفترة الأخيرة.
وكتب عبر حسابه على موقع التواصل الاجتماعي “انستجرام”، “قائلا: “الحمد لله الذي أحبني فابتلاني، وقدرني علي الصبر، من فترة ظهرت بقع بيضاء في جسمي، وبالكشف عرفت إنه البهاق، وجربت أنواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده، وكفاية شغلانتي وصعوبتها والقلق الدائم من المستقبل”.
وأضاف قائلًا: “فعلا بقي بيزيد لدرجة لفتت نظر ناس كتير، اللي بقي يقولي هتتعامل إزاي وأنت فنان، واللي يخاف يسلم، واللي يسألني هو ده معدي، أنا بقالي سنه فعلًا لو عندي حفلة أو تصویر بتعب على ما أشوف طريقة أخفيه بيها لدرجة خلت ناس تقولي شوف بيزنس تاني اعمله علشان الناس مش هتقبلك كده فكرت في كلامهم بصراحة، ولقيت إن عندي حلين، یا فعلا شكرا لحد كده على الشغلانة دي رغم حبي ليها وعدم معرفتي بغيرها، یا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إنه شكله غريب، الحمد لله على نعمة الأهل لأنهم الوحيدين اللي بيقبلوا الواحد زي ما هو، طولت عليكم بس قلت أشرككم في حياة فنان”.
فحرص عدد من نجوم الفن على مسانده الفنان رامى جمال بعد أن أعلن إصابته بمرض البهاق وقاموا بتوجيه رسائل دعم وحب له وطالبوه بالاستمرار في مشواره الفني الغنائي و عدم الاعتزال.
وكتبت الفنان زينه، قائلة: ” انسان محترم ربنا يعفوعنك …للأسف أحنا في دنيا مابترحمش والنَّاس بقت صعبه ياريت نحاول يكون في قلوبنا رحمة …أنت انسان موهوب يمكن أنا ماتشرفتش بمعرفتك بس قلبي معاك، واوعي تفكر تتهزم ده مرض عادي، وربنا يعفوا عنك وقول الحمد لله والنَّاس الرحيمة كتيرواعتبرني من أهلك والإنسان بموهبته واحترامه وأخلاقه وبس”، وقالت الفنانة سوسن بدر:”قدر الله وما شاء فعل الرضا بيشفينا بإذن الله”.
ووجهت الفنانة لطيفة رساله دعم لرامى، قائلة: ” حبيب قلبى يا رامى يا مبدع يا محترم يا مختلف، اوعى تفكركده أول حاجه لازم تقول الحمدالله على كل حاجة، دى مرض حصل لناس كتيروتعالجت منها الحمد الله وبعدين أحنا بنحبك على موهبتك وفنك الرائع وكل جمهورك وأنا منهم بنبقى مستنيين جديدك دايما”، أما الفنان عمر السعيد، قال له:” بحبك زى ما أنت “.
وقالت الفنانة إيمان العاصى،” حبيبي يا رامي أنت أقوي من أي حاجه وفنان وموهوب ونجم وكل ده ولا حاجه قصاد نجاحك وحبك لفنك ربنا يقدرك علي الناس عديمة الإحساس ربنا يخليلك ناريمان بالدنيا “.
وتمنى الفنان حمدى الميرغنى، الشفاء العاجل لرامى، قائلا: ربنا يشفيك يارامي ده مش حاجه اصلاً ده الصداع أصعب منه ياخويا الناس كلها بتحبك ️..وكل ماتشوفني أحمد ربنا وأعرف أنك في نعمة”، فيما قالت له الفنانة إيمى سالم،” كمل و أعمل اللي بتحبه و إحنا معاك وفي ظهرك”.
ونشر أيضاً الفنان تامرحسنى صورة تجمعه برامى جمال وعلق عليها: “إلى الفنان الكبيروالصديق الحقيقي والمحترم رامي جمال يا حبيبي أنت فنان كبير ومحبوب ولك قيمتك وكل الناس بتحبك ومفيش حاجه هتعطلك عن نجاحك، وتعبك دا لاهو مؤذي ولا مُعدي وكل الناس جواها تعب في منه اللي ظاهر وفي منه اللي مش ظاهر، حتى لو كان تعب نفسي أو مادي كل شخص جواه وجع من حاجة معينة المهم أننا نبص ونتعلم من اللي ظروفهم أصعب مننا، ورغم كدا عندهم صبر وبينجحوا في الاختبار، وبيقولوا الحمدلله ومكملين وعندهم إراده وبينجحوا أكتر من الأول ولازم تكمل نجاح يا رامي وشيل أي هلاوس من دماغك واوعى تخبي نفسك اللي بيحبك بيحبك لشخصك وفنك صدقني دي حاجة عادية يا رامي والله ملهاش أي تأثيرلا عليك ولا على جمهورك بالعكس بقى أنت أكيد شايف الناس كلها طيبين إزاي ونفسهم يفرحوك وبعدين إفتكر أن مايكل چاكسون جاله نفس اللي جالك وبقى اسطورة مبتتكررش خالص وأنت فنان وعارف…أنا واثق أنك مؤمن وبتحمد ربنا وهتقوم وهتكمل وهفكرك قدام كل الناس اللي شايفه كلامي أنك هتنجح اكترواكتر، وربنا هيكرمك أجمل كرم وهتشوف قريب” “بحبك يا رامي”.
وكتبت إليساعبر حسابها على تويتر، قائلة: ” ممنوع تغيب وممنوع يكون البهاق عذرلغيابك أنت بتقول ابتليت بالبهاق، بس مش سبب لتخاف وتغيب فى ناس ابتليت بالكذب والخيانة وماهزت، وجودك أساسي ومثل ما أنت بتقول: أصل الحكاية مش حكاية شكل حكاية روح”.
