بعد إعلان الفنانة القديرة ميمى جمال اعتزالها الفن أعرب الفنان حسام داغر عن حزنه الشديد وقال:بقى معقول القمر دى يعتزل إزاى يا ميمى يا أجمل ست فى الدنيا، ده أوحش خبر سمعته، ده انتى اللى فاضلالنا من زمن كان جميل، انتى وعم حسن الله يرحمه، كنت أشوفك بس اتبسط، إنتى بس أكيد بتشوفى غلاوتك عندنا وأننا منستغناش عنك”طب أنا هتحايل عليكى شوية، حاسس بيكى وانتى اللى عندك لسه كتير يا كتلة الحنان والطيبة، متزعليش من ناس فى الوسط ميعرفوش قيمتك، انتى اللى يعرفك كويس مش بس يحبك، ده يموت فيكى، جاية تسيبينا بعد ما الجميلات راحوا، هيتبقالنا مين، كدة الجمال فى الشغلانة هيقل يا ميمى يا جمال يا ملكة الجمال، قولولها ارجعى ومتسيبيناش”.
كانت الفنانة الكبيرة ميمى جمال أعلنت اعتزالها الفن مؤخرا، على الهواء مباشرة خلال مداخلة هاتفية على برنامج “هذا الصباح” قالت ميمى خلال المداخلة، إنها عاشت فترة طويلة مع زوجها الفنان حسن مصطفى أكثر من 40 عامًا كزوجين فى المنزل أما خارجه فكل منهما لديه عمله.
