ديانا هشام تنفي ارتباطها أو خطبتها وقالت علي الانستجرام «معظم الأسئلة اللي بتجيلي بتكون خطيبك مش معاكي ليه وفين خطيبك، خطيبي معايا فين يا جماعة؟ أنا مش مخطوبة ومتخطبتش قبل كده خالص» ومواصفات فتى أحلامي يكون محترم وابن وناس ويراعي ربنا فيا وفي أهلي ويبقى بيخاف عليّ، ولازم يبقى بيحب الأكل وبيعرف يطبخ، ويكون دمه خفيف ده أساسي، مش هعيش مع واحد دمه تقيل كمان يكون روحه حلوة ومش بتاع مظاهر عشان أنا بكره بتوع المظاهر، أهم حاجة ميبقاش في مظاهر في الموضوع، ويبقى عارف يبسط نفسه ويبسط اللي حواليه وروحه حلوة وقلبه نضيف وبني آدم».
يذكر أن أحدث أعمال الفنانة ديانا هشام مشاركتها بمسلسل «كوفيد- 25» بطولة الفنان يوسف الشريف وأحمد صلاح حسني وآيتن عامر وإدوارد وإيناس كامل وراندا البحيري وميدو عادل وأمير صلاح الدين وميرنا نور الدين وديانا هشام وإسلام جمال وزكي فطين وعماد رشاد وغيرهم من النجوم وإخراج أحمد نادر جلال، والذي يحاكي تطور لوباء من خلال قصة خيالية ودراما اجتماعية وأن المسلسل يجمع ما بين الدراما المؤثرة ومشاهد الأكشن والتشويق والرعب، وعرض المسلسل بالنصف الثاني من الماراثون الرمضاني الماضي .
