الفنان محمود عبدالمغني أعاد تقديم مشهد حواري درامي بمشاركة الفنانة دينا فواد علي صفحته علي «الفيسبوك» بعد إذاعة الحلقة الاولي من حكاية «ماريونيت» من الموسم الثاني من مسلسل «ورا كل باب» .
ونشر «محمود عبدالمغني» الحوار الدرامي الذي يجمع بينه وبين «دينا فؤاد» وكتب «انت مش رايح الشغل النهاردة ولا ايه؟ هو انا اقعد تقولي قاعد ليه انزل تقولي مابتقعدش ليه، في ايه يا مروة انا مابقتش فاهمك ولا قادر اتحمل ضغطك المستمر ضغطني.. هو انا لما اقولك على مشاكلنا اللي لازم تتحل ابقى بضغط عليك، لما احاول افهم مالك وافهم جوزي متغير ليه ابقى بضغط عليك، طيب تقدر تقولي عملت ايه في مصاريف مدرسة زينة واشتراك النادي اللي مااتدفعش والبنت مش هتقدر تروح التمرين بسبب كدة، ده غير ان حضرتك ماتعرفش عننا حاجة اصلا، طب فاكر عيد ميلاد بنتك اللي كام من كام يوم، احنا بقينا برة حساباتك يا حازم انتي شايفة كدة !!! _ انا شايفة انك مابقيتش حازم جوزي اللي حبيته واتجوزته = وانتي مابقيتيش مروة اللي بتحس بيا من غير مااتكلم، ماريونيت، ورا_كل_باب».
وردت الفنانة دينا فؤاد بخفة دمها المعهودة علي البوست قائله«انتا السبب في كل اللي وصلنا له».
تدور أحداث الحكاية في إطار 5 حلقات حول المشاكل التي يعاني منها الأزواج بعد فترة من الزواج بسبب سوء التفاهم فيما بينهم «ماريونيت» من بطولة كل من دينا فؤاد، محمود عبد المغني، ميرنا نور الدين، سلوى عثمان، إنتاج شركة سينرجي، وتأليف محمد سيد بشير، ومن إخراج أحمد صالح.
