ناريمان زوجة الفنان رامي جمال تعبر عن حُبها وتقديرها لزوجها مع اقتراب «عيد الحُب»وقالت «ناريمان» علي صفحتها الشخصية الانستجرام»البوست دا مش بوست بتاع حب وكلام من دا البوست دا شكر للأنسان اللى ربنا عوضني بى عن كل يوم وحش وصعب عدى عليا ف حياتى الشخص اللى انا عارفة هوا عمل عشانى ايه و غير ف نفسه ايه عشانى كان بيحاول طول الوقت وعلى قد ما يقدر يفضل جمبى و يخرجنى من اللى انا فى علشان عارف ان محدش هيعمل كدا غيره تعبتك معايا كتييير و صحيتك فى عز نومك كتير و استحملت و عمرى ما حسيتك زهقت ولا تعبت منى رامى اللى بيخاف يشوف حد تعبان اتعلم يدى حقن علشانى
انا تقريبا شخص ملوش اصحاب غير اتنين ثلاثة بالكتير اوى هما اللى بيسألوا عليا رغم انى كنت شخص اجتماعى جدا لكن بقالى سنين وانا مقررة اكون لوحدى مدام النفاق و الكدب و الزيف كتروا كدا يبقى اكيد الوحدة احلى بكتير وانا شخص نادرا جدا جدا لما يبقى ف تجمع ويلاقي نفسه شبه الموجودين ودا مش عيبهم ولا عيبى لكن انا شخص مش سهل التأقلم مع الاخرين
بس رامى كان دايما عارف يعوضنى ويبقى هوا جوزى وحبيبى و اصحابى كمان♥️ بحمد ربنا عليك و بتمنى مشفش حاجة وحشة ف حياتى تانى علشان مش هستحملها و بشكر القريب اللى كنت فكراه هيبقى جمبى وملقتوش حتى بمكالمة تليفون غير كل فين وفين زيه زى الغريب و شكرا للغريب اللى لاقته جمبى مهتم و بيسأل وفعلا المواقف دى اللى بتبين مين يستاهل يفضل ومين لأ وغالبا المواقف دى هى اللى خلتنى اقرر اكون لوحدى مع جوزى واهلى وبس وانا مرتاحة جدا
وررد الفنان على كلامها:«إنتي بنت أصول وتستاهلي أكتر بكتير من اللي إنتي شايفاه كتير لدرجة أنك تكتبي بوست جميل وكلام أجمل ربنا يقوينا على الأيام ويخليكي ليا».
