الفنانة سارة عبد الرحمن تستعيد ذكرياتها مع النجمة الراحلة دلال عبد العزيز، ونشرت صورة تجمعها بها من كواليس مسلسل “سابع جار”وتوجه لها رسالة مؤثرة.وكتبت سارة يمكن لو كتبت استوعب؟ ماعرفش بس اما بافكر اكتب باحس ان مفيش كلام يكفي. عشان اكون صريحة البداية ماكانتش حب من أول نظرة خالص.. اخدنا شوية وقت و كام موقف كدة عشان نحب بعض و شوية وقت كمان عشان نكون اصحاب. بس بعديها عرفت يعني ايه صداقة و يعني ايه ضهر و يعني ايه لذاذة و ضحك و يعني ايه بركة و يعني ايه تواضع و يعني ايه طيبة نقية كدة من غير اي حاجة. كل دة كوم و الحاجات اللي اتعلمتها في الشغل اللي هاتفضل حلقة في ودني كوم تاني. باكتب و برضه مش قادرة لسا اصدق و عمالة اسمعك و انتي بتقوليلي “ياللا يا نصاابة”. ديدي، انا باحمد ربنا اني عرفت ملاك زيك و عمري ما هانساكي ابدا عشان انتي ماتتنسيش. وحشتيني اكتر مانتي كنتي اصلا وحشاني. بحبك.
أخر اعمال ساره عبدالرحمن مسلسل لية لا التى تلعب بطولته منة شلبي فى إطار اجتماعي ، من خلال شخصية سيدة تسعى إلى تبنى طفل، إلا أنها تواجه صعوبات من خلال رفض المجتمع، حيث يعد العمل استكمالا لطرح الموضوعات التى تكشف التحديات التى تواجهها المرأة .
مسلسل ليه لا 2 يشارك في بطولته بجانب منة شلبي وأحمد حاتم، كل من فراس سعيد، دنيا ماهر، مها أبو عوف، مراد مكرم، ومنى أحمد زاهر، وآخرين، والعمل من تأليف مريم نعوم، وإخراج مريم أبو عوف
