الفنانة إنجي خطاب تتحدث عن تسجيل الصوتي المتسرب لوالد الفنان حسام حبيب ،وقالت علي صفحتها الشخصية الإنستجرام الي جوه نفوس الناس يخض والله شيرين وحماها اللي هو ابو حسام حبيب لما تبص ع الظاهر من برة تحس بكمية محبة بينهم وكأن بنت بتحضن ابوها
تيجي للباطن تلاقي ريكورد متسرب لحماها دة بيقول كلام ف حق شيرين مش حلو الله اعلم الريكورد صح ولا غلط بس لو صح يبقي موضوع يخوف حقيقي سمعت الريكورد وببص للصورة دي وانا خايفة ومرعوبة ويمكن كنت قربت اعيط كمان بأمانة اللي هو انا بتعامل مع ناس كتير اعرفهم وبحبهم مفيش حد مبحبوش خالص انا مبعرفش اكره .وحقيقي انا خايفة يكون في حواليا ناس كدة
ف اتمنى ربنا يبعد عننا الناس اللي عاملة نفسها بتحبنا لكن من ورانا تتكلم عننا بالسوء وتعيب فينا بالرغم انهم مشافوش مننا غير كل خير اللهم رد كيدهم في نحورهم يارب.
يذكر أن الفنانة إنجي خطاب أعلنت اعتزالها التمثيل يونيو الماضي، قائلة عبر صفحتها الشخصية بـ«فيسبوك»: «باختصار قرار اعتزالي دا قرار بجد أخدته بكامل إرادتي لأسباب تخصني متخصش أي حد ومحبش أساسا، وأرجو تراعوا مشاعر الناس وتحترموا قراراتنا وحياتنا».
