شيرين عبد الوهاب تطمن جمهورها ف تسجيل صوتي لها ونشرته علي صفحتها علي تويتر وقال ف التسجيل عايزة اطمن كل الناس اللي بتحبني ،كل الناس الكويسين ان انا بخير وان مفيش أي نوع من أنواع الخطر عليا ولا على حياتي بالنسبة للي حصل محتاجة ان انا ارد عليه ومش هينفع ارد عليه في كلمتين فاسمحولي ان انا أقولكم ان حسام جوزي اللي انا معاشره ده انسان من أنضف رجالة الدنيا وانسان محترم وانسان متربي وبيحبني أكتر من نفسه وميستاهلش ابدا ابدا منكم كم القسوة ده بس انا مدياكم العذر عشان انتو متعرفوهوش بس عايزة أقولكم ان الراجل اللي ربنا حطه في طريقي في الوقت ده ، في وقت انا كنت فيه متكسرة ومتدمرة فهو بنى لي شخصيتي وخلاني بقيت بعرف اتكلم ورجعلي لنفسي تاني الثقة ،حسام ربنا هو اللي بعتهولي فربنا مبيعمليش حاجة وحشة ، حسام بيحبنا أكتر من نفسه انا وبناتي بدليل ان هو من ساعة ما اتجوزني مستفدش بأي حاجة ومعملش لنفسه أي حاجة وهو بس عايش عشان يخاف عليا وعلى عيالي من كل شيء وبالنسبة لحاجات كتيرة مش مفروض ارد عليها لكن انا عايزة اقول كمان ان حماتي الست اللي ربت راجل أخلاقه عاملة كده أكيد لازم تكون ست عظيمة فحسام انسان عظيم وأمه ست عظيمة وبتمنى منكم ان انتو تدعوا لنا بالذرية الصالحة وبقولكم مفيش أي حاجة من دي خالص ، حسام انسان نقي ونضيف وربنا هو اللي بعتهولي ..
