المطرب عبد الباسط حمودة يوجه نصيحة للمطرب عمر كمال والمطرب حمو بيكا بعد خلافهم علي السوشيال ميديا
وقال عبدالباسط “عايز اوصل رساله للجيل الجديد احنا مكناش كده احنا كنا بنتعامل بالأسلوب الكويس ياحمو بيكا انت وعمر متطلعوش تشردو بعض وتتكلمو علي بعض علشان الناس بتضحك عليكم اسمعو الكلام من اخوكم الكبير انا بقولكم الصح مدام كلتو عيش وملح مع بعض يبقا نحترم بعض حتي لو مش هنشتغل مع بعض نتعامل بالمعروف الناس بتضحك عليكم انتوا بتقولوا بنكسب قد إيه متجيش حاجة في مكاسبنا انتوا معشتوش مكسب أحمد عدوية وكتكوت الأمير، الفلوس كانت بتتكنس من وراهم بالمقشة.. الفن عمره ما كان كده لازم تكونوا محترمين وأصدقاء حتى لما كان بيكون في بنا زمان اختلاف كان بيبقي في احترام لأن مسير الأيام بتقابلنا انتو ماشقيتوش ولا اشتغلتوا في موالد، وأنت يا عمر يا كمال أول ما جيتلي عملت معاك فيديو عديت، ولا قولتلي سلام ولا قولتلي ألو، لا سؤالك يفيدني ولا كلامك يفيدني، لأن كل واحد معروف هو مين، لكن شاكوش كان بيكلمني من الإمارات كل يوم عايز إيه يابا وعايز إيه يا خال أجيبلك إيه، ومحمود الليثي في أي حتة بيوطي على إيدي يبوسها ” خليكم مؤدبين واسمعوا الكلام .
