كيفية تسهيل عملية الإختيار للعميل

في بحث اتعمل عن سوبر ماركت بيوفر اختيارات كتيره جدا لكل انواع المنتجات اللي عنده، البحث ده اخد عينه منتجات بسيطه وهي المربي المتوفره في السوبر ماركت اللي بيصل عددها لـ348 نوع !

الاختبار كان بسيط، جابو اشهر 24 نوع من المربي في مره والمره التانيه جابو اشهر 6 انواع وبداوا يبصوا علي المستهلكين هيتصرفوا ازاي، وجدوا ان اهتمام الناس بيكون 60٪ لما بيشوفوا اختيارات كتيره و40٪ لما بيشوفوا اختيارات اقل ولكن نسبه الناس اللي اشتروا من الاختيارات الكتيره كانت 3٪ اما نسبه الناس اللي اشتروا من الاختيارات القليلة كانت 30٪ !

الناس عادة لما بيكون عندها اختيارات كتيره ومتنوعه بيختاروا انهم ميختاروش ! دا واقع وحقيقي ودراسات نفسيه

طيب ازاي تسهل علي عميلك الاختيار؟

Cut
بمعني قلل عدد الاختيارات للعميل وسهلها بالنسبه له مثال علي كده شركه Proctor & Gamble لما قررت تقلل عدد منتحات الشامبو من 26 نوع لـ15 نوع مبيعاتهم زادت 10٪ .. شركه Walmart رقم 1 في عالم لل Retail بتوفر اكتر من 100 الف منتج, لكن الشركه رقم 9 اسمها Aldi بتوفر 1,400 منتج فقط، العبره مش بالكتره

Concretize
بمعني خلي الموضوع ملموس او محسوس, في بحث اتعمل لمجموهه من الموظفين في الشركه اللي كانوا بيحولوا يوفروا اموال من مرتباتهم فا الباحث قعد معاهم واداهم ورقه فيها التفاصيل العاديه للإدخار، ولكنه اضاف حاجه صغيره وهو سؤالهم عن انهم يتخيلوا لو قدروا يوفروا اكتر .. حياتهم ممكن تبقى عامله ازاي؟ .. وكانت النتيجه زياده بنسبه 20٪ عن المعدل الطبيعي

Categorization
نظم الحجات اللي بتقدمها، دة هيسهل عمليه الاختيار، مثال: متوسط عدد المجالات اللي بتتباع في الاكشاك في امريكا من 331 الي 664 مجله، لو جيت وجبتلك 600 مجله ونظمتهالك حسب نوعها في 10 صفوف وقارنت مدي تقبلهم وفهمك وسهولة الاختيار لك في مقابل 400 مجله ونظمتهالك في 20 صف الناس هتختار الـ20 صف، علي الرغم من قله عدد المجالات الا ان العميل بيشوف انك كده سهلت العمليه عليه وبالتبعيه حسنت قرار الشراء له

Condition for Complexity
الحقيقه البشر يقدروا يفهموا ويحفظوا معلومات اكتر بكتير من تصورنا احنا بس محتاجين نخلي المعلومه اسهل .. في بحث اتعمل علي موقع شركه سيارات المانيه بتتيح لك انك تختار عربيتك وتحسنها من خلال اختياراتك، ولكن الموقع ده بيتيح لك انك تختار عربيتك من خلال 60 نقطة، فكانت بدايتهم بتكون باختيار اللون اللي هو متاح منه 56 لون وصولا للـمحركات وناقل السرعه اللي هو 4 اختيارات بس !

بالدراسه إتضح ان تفاعل المستخدمين مع الشكل الهرمي من الاختيار ده بيخليهم يحسوا بتعب شديد ودماغهم بتتوقف فقرروا انهم يعملوا الهرم بالمقلوب، بمعني ان المستخدم يبدء بالاختيارات السهله زي المحركات وناقل السرعه وينتهوا بالاختيارات الاكبر زي الآلوان، وده حسن كميه الناس اللي بيدخلوا الموقع ويختاروا سياراتهم بناء علي ارائهم

دي من اسهل الطرق العلميه اللي بتساعدك تسهل عمليه الاختيار للعميل بتاعك ومن ثم تحسن عمليه البيع اللي بتكبر الـBusiness بتاعك