لوحة طبيعية نحتتها الطبيعة في نويبع ” الوادي الملون “

يعتبر الوادي الملون أحد العجائب الطبيعية في سيناء، ويمكن زيارته من طابا.
والوادي هو عبارة عن متاهة من الصخور الرملية بالألوان الأصفر والأرجواني والأحمر والذهبي ويصل ارتفاعها في بعض الأماكن إلى 40 مترًا.
في بعض الأحيان، قد يكون التسلق ضرورياً نظراً للأشكال المتغيرة للصخور وارتفاعاتها، لذلك كن مستعدًا وحاول الوصول إلى المكان مبكرًا قدر الإمكان، ليس فقط بسبب الطقس ولكن لتجنب الزحام.

من كنوز جنوب سيناء اللي ملهاش حصر هو الوادي الملون ( الأخدود الملون ). وهو عبارة عن متاهة من الصخور المصبوغة بالألوان الرائعة ، ارتفاعها بيصل في بعض الأماكن من 40 لــ 80 متر . والمكان يعتبر أحد أهم المعالم الجيولوجية في مصر كلها . وده بيخليه المكان الأنسب لأي حد عايز يعيش مغامرة مختلفة وجديدة  وعشان كده هنتكلم بتفاصيل اكثر عن الوادي والأسعار وإزاي تروح وأفضل مواعيد الزيارة!

ايه هو الوادي الملون ؟

تساقط السيول والأمطار في الشتاء بين الجبال كان السبب الرئيسي لتكوّن الوادي الملون عشان يُشكل في النهاية صخور بألوان متنوعة علي شكل منحدرات حُفرت بعد تساقط الأمطار على المكان لمئات السنين ، شكل الجبال والهدوء والطبيعة هناك بيضمنولك تجربة مميزة مش هتلاقيها غير في الوادي الملون!

موقعه فين بالظبط؟

الوادي الملون موجود في طابا وقريب جدًا من نويبع وهي المدينة الاقرب اليه. ولو جاي من دهب فالمسافة هتكون حوالي 90 كم ممكن تروحه في ساعة وربع تقريبًا ، وموقعه المميز جدًا لقربه من نويبع ودهب بيخليه مكان مناسب جدًا لرحلات اليوم الواحد.

احسن وقت لزيارة الوادي الملون في نويبع

الصيف في نويبع بيبدأ من نهاية مايو، الجو مشمس وحر خاصة بالنهار و درجة الحرارة بتكون بين  30°  و 35°. أما في الشتاء فالجو لطيف جدًا، دافي ومشمس بالنهار وبارد بليل، ودرجة الحرارة بين  15 و25 °C.  والمطر نادر جدًا، أقل من 5 أيام في السنة كلها.. وبالتالي فأحسن وقت تروح فيه الوادي الملون من بداية أكتوبر ولحد نهاية أبريل.

أسعار زيارة وادي الوشواش

معظم اللي بيروح الوادي الملون بيكون موجود بالفعل في دهب أو في نويبع وعشان كده هنتكلم عن افضل رحلة واحسن سعر لرحلة اليوم الواحد و الرحلات اللي نقدر نرشحها لك لو كنت في دهب تقدر تحجز رحلة الوادي الملون شاملة الانتقالات . بيبدأ يومك بأن الباص بيجي ياخدك من مكان إقامتك أو فندقك في دهب الساعة 7:30 صباحًا ويوديك لحد الوادي الملون وهناك بيكون معاك دليل بدوي بيتحرك معاك بين الجبال لحد ما توصل بأمان للوادي وبعد 7 ساعات بتبدأ رحلة الرجوع للفندق من تاني .. وده بيكلفك حوالي 350 جنيه شامل  الانتقالات والدليل..

الوادي الملون هي واحدة من اجمل الأماكن والمزارات اللي ممكن تلاقيها في الصحرا ونصيحتنا إنها تكون في قايمة السفاري اللي هتعملها المرة الجاية وانت رايح دهب، خاصًة لو بتحب الطبيعة والمغامرة.. فانت لازم تجرب المكان الجميل ده!

وعلى الرغم من أن سحر المكان يتجلى عندما تكون بمفردك، إلا أنك ستحتاج إلى مرشد أثناء تجولك في الوادي.
إشارة الى أن العديد من الفنادق وشركات الرحلات في طابا تنظم رحلات يومية إلى هذا المكان الساحر.