النجم محمد هنيدى قرر يستجيب لأسئلة جمهوره ومحبيه علي صفحته الفيسبوك”لمدة 47 دقيقة بطريقة كوميدية، وتلقى سؤالاً لو كان لديه موهبة أخرى غير التمثيل واختار هذا السؤال ليجيب عليه قائلاً: “رابر.. وفيه تراك قريب هدس فيه السين كله من أول مروان موسى لـ أبيوسف”، مؤكدًا أنه يحب مطرب الراب شاهين قائلاً: ومش هقرب لشاهين عشان شاهين حبيبي.
ورد علي سؤال اخر عن طوله ورد قال”في الصيف بيوصل لـ 199 .. في الشتا بكش شوية ويمكن الناس واخده فكرة غلط عني بسبب أن كل أعمالي بصورها في الشتا”.
ورد علي السبب الحقيقى وراء قصره بشكل كوميدى وقال: “زمان كان نفسي أبقى ضابط وقبل اختبارات الكلية رحت جيم جنب البيت.. الجيم كان معمول في الشارع وكان عم سعد المدرب ربنا يسامحه بيشيلني أوزان تقيلة أوي وأبويا كل مايعدي علينا يقوله حرام عليك الواد مش هيبان من الأرض، وعم سعد يقوله أنا عارف أنا بعمل إيه، وأنا أقول لعم سعد سيبك منه أبويا متغاظ عشان أخيرًا هكسر سلو العيلة وهبقى أول واحد طويل في العيلة، المهم جيت اختبارات الكلية وعم سعد اقنعني أني بقيت طويل جدا.. والمشكلة أني ماكنتش بشوف أي بشر غير عم سعد فمكنتش عارف أطوال البشر وصلت لفين، لغاية يوم التقديم لما رحت الاختبارات ورفضوا يدخلوني وقالولي مفتحناش التقديم لخريجي الابتدائية”.
وفى سياق آخر قارب محمد هنيدى على الانتهاء من آخر مشاهد فيلمه الجديد “الجواهرجى” وودخوله غرف المونتاج استعدادًا لطرحه فى السينمات، حيث يتبقى لفريق العمل أقل من أسبوع تصوير، ويجسد هنيدى ضمن أحداث الفيلمه دور جواهرجى وزوجته النجمة منى زكى، ويحدث بينهما العديد من المواقف فى إطار كوميدى
يقوم ببطولته النجوم محمد هنيدى ومنى زكى ولبلبة، وأحمد السعدنى ريم مصطفى، آسر ياسين، أحمد حلاوة، وعارفة عبد الرسول، وتارا عماد، .
