الفنانة مى فخرى تكشف عن السبب الحقيقى الذى دفعها إلى اتخاذ قرار اعتزال التمثيل وارتداء الحجاب،عبر فيديو على حسابها على إنستجرام، وقالت مى”بعيدا عن الناحية الدينية تماما ومش هندخل فيها سواء فرض او مش فرض وأنا هتكلم بشكل منطقى الحمد لله ربنا أتم خلقى كاملة ومعنديش مشكلة وأدانى نعم كتير مش عارفة أقول إيه ولا إيه فحسيت اني ربنا أدهانى أنا النعم مش عشان الناس تتبسط بيها وهى نعم حبيت أحافظ عليها ودلوقتى أنا فى حال أفضل بكثير وأشعر بالراحة”أنا دلوقتى عندى إحساس إنى أحسن، ومش متقيدة خالص انا معنديش مشكله ف اللبس خالص أو أن شكلى مش حلو.. بالعكس مبسوطة أكتر من الأول بكتير وبلبس كل اللي أنا عاوزه بشكل محتشم ويليق مع الحجاب”نفسيًا بقيت أحسن بخرج في الشارع أحسن ومفيش حد بيبص عليا النظرة اللي كل البنات عارفاها ويبقى نفسها الأرض تتشق وتبلعك.. الحمد لله مبقاش يحصل ومش بأخذ ذنب ناس مش قادرة تبص في الأرض أو مش قادرة تغض بصرها.. مبقاش يتبص عليا ومبقتش أتضايق لما أخرج كل حاجة بقت أحسن.. ربنا اداني نعم وأنا بحافظ عليها”.
