منهجية حصد وطريق ضمان الحصول على أول جولة استثمار في مشروعك الريادي (نظرة في العُمق)

هل تتخيل انه منذ أول يوم في شهر رمضان وحتى الان تم تمويل أكثر من 14 شركة في المنطقة العربية ومصر بقيمة 91 مليون دولار!!

تطبيق الخدمات المالية المصري “خزنة” يجمع تمويلا بقيمة ٣٨ مليون دولار

منصة Sprints المصرية لتكنولوجيا التعليم تحصد تمويلا بقيمة ١,٢ مليون دولار

منصة O7 Therapy المصرية للصحة النفسية تحصد تمويلا بقيمة ٢,١ مليون دولار

شركة Intella المصرية لرقمنة أبحاث السوق تغلق جولة استثمارية بقيمة مليون دولار

منصة لوازم السعودية تجمع ١,٣ مليون دولار في جولة تمويل مبدئية

شركة Right Farm الإماراتية لتكنولوجيا الزراعة تحصد ٢,٧ مليون دولار في جولة تمويل مبدئية

منصة WafR المغربية تحصد تمويلا بقيمة ٢٧٨ ألف دولار

شركة Qureos الإماراتية لتكنولوجيا التعليم تحصد ٣ مليون دولار في جولة التمويل ما قبل التأسيسية

منصة التجارة الإلكترونية السعودية Kaya تجمع تمويلا مبدئيا بقيمة ٢,٦ مليون دولار

تطبيق DailyMealz السعودي يجمع استثمار جديد بقيمة ٥ مليون دولار

تطبيق التجارة الإلكترونية الكويتي “راحة” يحصد تمويلا بـ ٦,٧ مليون دولار

منصة حصيل السعودية للتجارة الإلكترونية تجمع تمويل بقيمة ٦,٦ مليون دولار

وغيرهم كثير وكثير وكثير

خليني بس أوضحلك في البداية إن عكس ما انت فاهم! مشاريع كثيرة من السابق ذكرها كانت صناديق الاستثمار هى اللىبتسعى وراء الاستثمار فيها ومش العكس

يعني مش لازم انت اللى تروح تدور على إستثمار وتجري ورا المستثمرين وصناديق الإستثمار

اللى انت ممكن تكون ما تعرفوش، إن في شركات ناشئة كثيرة بتلاحقها صناديق الإستثمار وهى اللى بتعرض عليهم الأموال– وفي اسباب رئيسية تخلي الاستثمار يجري وراك!! ويلاحق شركتك الناشئة

أولاً: خلينا نتفق على اسباب ابتعاد وعزول المستثمرين عن مشروعك!

1- الفرصة المحدودة في الأسواق – The opportunity’s not big enough

دي تقريباً من أكبر المشاكل اللى بتعترض مشروعك! لأن الاستثمار هو ضخ فلوس في مشروع واهم ميزة في اى مشروع هوقدرتة على النمو والتوسع

على الجانب الاخر المستثمرين عندهم مبدأ مهم وهو (venture-scale) بمعنى ان المشروع يكون قادر على تحقيق x10 اوx100 للمستثمرين

ولذلك لو كنت بتبيع مثلاً اشتراك على موقعك موجه للمحاميين عشان يراجعو بيه الدعاوي او العريضة وكان الاشتراك بـ50 جنية في الشهر وقدرت تستحوذ على10% من إجمالي الـ160 الف محامي النشطين اللى في مصر من أصل 700 الفمقيدين في النقابة – في النهاية انت بتعمل 800 الف جنية شهرياً وده مبلغ غير مرضي لأى صندق استثمار خصوصاً بعدطرح التكاليف التشغيلية والمصاريف والرسوم وغيره

لذلك حاول دائماً تجد لمشروعك اكثر من فرصة للنمو والتوسع وتأكد من إنك تركز على خلق قنوات عوائد في مشروعك، لا تعتمدعلى مصدر واحد للدخل

العوائد عندنا ليهم أربعة اشكال

عوائد دورية – Recurring revenue

عوائد من عملية الفوترة والبيع – Transactional revenue

عوائد من مشروع محدد – Project revenue

عواد من خدمة – Service revenue

لازم بقى هنا تختار التنوع ده في مشروعك يتم ازاى وتركز على النمو أكثر من التركيز على الرقم اللى بتحققه فقط – لان النموطردي على العائد

عشان تفهم أكثر النقطة دي انصحك بالاطلاع على هذا الملف الرائع https://bit.ly/3vgNh0y

عايزك كمان تتفرج على هذا الفيديو الرائع للعظيم Mohamed Al Zalabany عن دليل ادارة نمو الشركات الناشئةhttps://www.youtube.com/watch?v=VOcIJZu9jwk

وأخيراً اتمنى لك الاستمتاع بتلك الجلسة الشيقة من Y Combinator للحديث عن نمو الشركات الناشئةhttps://www.youtube.com/watch?v=6lY9CYIY4pQ

وحتلاقي الشرح كامل والعرض التقديمي للجلسة هنا https://bit.ly/37rdL7w

2- الوقت مازال مبكر لدخولك السوق – You’re too early to market

من الحقائق المُسّلم بها في عالم ريادة الأعمال والاستثمار هو وجود الكثير من الأفكار الرائعة ولكن من الناحية الاستثماريةمازال الوقت مبكر جداً لدخولها السوق ونجاحها او الاستثمار فيها

مثلاً، لو قررنا نفتح مشروع يخدم السيارات الكهربائية في مصر!!! او قررنا نعمل فكرة تركز على العاصمة الادارية، او قررناننشىء مشروع بيخدم مالكي الدرونز (Drone) في مصر

كل دي ممكن تكون افكار عظيمة بس لسة بدري عليها

زى بالظبط لو كنت فكرت تعمل لعبة على الموبايل في 2003 مثلاً واحنا لسة كنا منتظرين الايفون في 2007 – اكيد الامراختلف كثيراً

الملف ده حيساعدك كثير على فهم كيفية خلق فكرة لمشروعك والعمل عليها من الالف للياء – للوصول بها لمرحلة النجاح

A startup idea action plan validates your startup and gets customers in 7 days when all you have is a business idea

للإطلاع والتحميل https://bit.ly/3uJL52u

ومن أحد اعظم المصادر هو كتاب The Startup Owner’s Manual – The Step by Step Guide for Building a Great Company

بصراحة هذا الكتاب حتى وإن كان كبير جداً 1000 صفحة ولكن هو مصدر مُلهم ورائع لأى رائد أعمال – https://bit.ly/38VKNxd

3- عدم وجود اختلاف تنافسي – There’s no (or weak) competitive differentiator

تتذكر مصطلح (UVP-Unique Value Proposition)؟

تتذكر مصطلح (USP-Unique Selling Point)؟

مميزاتك التنافسية هى سر قبولك في الجولات الاستثمارية بشكل كبير!! ومش معنى ذلك انك تكون منافس للموجودين فيالسوق بس على الاقل يكون لديك ميزة تنافسية تساعدك في محورة وضعك في السوق وتخلي العملاء يغيرو تركيزهم مناستخدام شركة للتحول لشركة اخرى منافسة

عايزك دائماً تتذكر 3 نقاط غاية في الاهمية

1- منذ اليوم الاول لانطلاق مشروعك و رؤيته للنور سيكون لديك منافسون يقومون بتقليد ما تفعل!

2- من حقك ان تقوم بتقليد مشروع موجود بالسوق – ولكن عليك ان تتميز بمجموعة من المميزات التنافسية

3- المنافسة ليست في المنتج! ولا السعر! ولكن ببساطة ممكن ان تكون في العلامة التجارية!! خدمة العملاء!! العلاقاتالعامة!! لذلك ركز على القيمة المضافة اللي تميزك عن منافسوك

جامعة والدن Walden University لديها بحث مشوق جداً بيتكلم عن المميزات التنافسية وهيكلتها للشركات الناشئة – https://bit.ly/3vlFQFn

للإطلاع على واحدة من أفضل جلسات الشركات الناشئة بالعربية للعظيمة الأستاذة لطيفة الوعلان المدير التنفيذي لشركةإنديفور السعودية https://www.youtube.com/watch?v=VOQoVtOkGMI

الجلسة دي بتركز فيها كمان على الميزة التنافسية للشركات الناشئة في الاسواق

وهنا ستجد جلسة مشوقة جداً للحديث عن الميزات التنافسية لفريق العمل ومنهجية بناءها في عالم الأعمال للرائع Patrick Lencioni – https://www.youtube.com/watch?v=cIGLI3eWfsc

4- وجود عوائق اقتصادية او تشريعية للمشروع – There are unfavorable macroeconomic or regulatory trends

ودي طبعاً من الاسباب الشائعة لرفض اى مستثمر للدخول في مشروعك او حتى البدء فيه – وعشان كدة دايماً بنصح المُقبلينعلى بدء مشروع تجاري انهم يراجعو القوانين واللوائج التنظيمية كويس جداً

كمان يشوفوا التشريعات اللى تحت الدراسة

ويطلعوا على القواعد الاحترازية واللى منها زى ما قلت من شوية فكرة الدرون Drone Camera

اللى في مصر مش مسموح لأحد امتلاكها

ما ينفعش بقى يبقى مشروعك قائم على كدة وتقول انا حدخل جولة استثمار

5- سهولة تنفيذ مشروعك من شركة قائمة – An existing, more established company could do it easily

ودي من الحاجات اللى انت نفسك مش بتكون واخد بالك منها

من كام شهر جاني شباب عايزين يعملو فكرة مشروع كويسة

ولكن كان ردي ان المنافس الفلاني حينفذها ويقلدها بمجرد ظهوركم في السوق

وده حيستبب في موتكم بكل سهولة قبل حتى ما تنجحو

افتكر دايماً ان لو في منافس في السوق لدية قدرة مالية أعلى ولديه قابلية لتنفيذ منتجك اسرع واسهل – فكرتك مش حتكونأفضل حاجة

لذلك فكر في ظهورك في الاسواق بالمميزات اللي تحتاج وقت لتنفيذها وركز على العمل من خلف الستار

ابدأ من قبل ما تبدأ

يعني لو حتعمل تطبيق هاتف محمول او موقع اكلتروني – يبقى اشتغل من دلوقتي واعمل تعاقدات مستقبلية

شوف الملف ده حيساعدك على فهم النقطة دي بإستفاضة https://bit.ly/3uMMqWc

هنا ستجد مراحل ومنهجية تطوير منتج بطريقة تجعل المشروع على المسار الصحيح بشكل لا يجعل منافسك قادر على اللحاقبك

6- المنطقة مزدحمة ولا حاجة لمشروعك لإزدحام اكثر – This is a crowded space

لو اترفض مشروع اكثر من مرة وكان السبب هو ازدحام السوق بالمشاريع اللى في نفس مجالك – صدقني ده سبب وجيه

من حقك تفكر في مشروع في مجال الطعام – توصيل الطلبات – النقل التشاركي وغيره

بس فكر معايا كدة:

عندنا كام مشروع في القطاعات دي؟

اية الجديد اللى عندك؟

ازاى حتدخل الزحمة دي وتنافس؟

ولا انت ناوي تعافر؟

صناديق الاستثمار لا تسعى للدخول في الزحام، هما عايزين حصان رابح يراهنو عليه او على الاقل حصان على وشك الربح

لذلك فكر كويس في النقطة دي وما تدخلش منطقة مزدحمة لانك حتحرق فلوس كثير ومجهود كثير جداً

انتهى الجزء الأول وان شاء الله في الجزء الثاني حنغطي استكمال الموضوع وهو  (الطريق السريع للوصول لصناديقالإستثمار الجرىء والمستثمرين الملائكيين وجمع إستثمار بكل بساطة)

عن: هاني سويلم عبد الحميد