شن أحمد حسام “ميدو” لاعب ومدرب الزمالك السابق، هجومًا حادًا علي أحمد السيد مدافع الأهلي السابق، بشأن تصريحاته التي أدلي بها عن مفاوضات الأبيض معه.
وعلق ميدو على ذلك عبر حسابه على موقع التواصل الاجتماعي “تويتر”، اليوم الأربعاء، كمية لاعيبة كورة سابقين طلعوا كذبوا شوية كذب الفترة اللي فاتت في التليفزيون كأن الناس جالها الزهايمر أو يوتيوب وجوجل اتحذفوا.
وأضاف ميدو: اللاعيبه قالت أي كلام وأنا بصحى أشوف وعادي مابفتحش بوقي لكن بصراحة انفجرت دلوقتي لما قريت إن أحمد السيد قال إن الزمالك فاوضه مرتين وهو رفض”.
وتابع: “اللاعيبة مابتفرقش ما بين إن وكيل عرض عليك وما بين إن النادي عرض عليك رسميا.. شغلة الوكيل إنه يحاول ويحاول يمكن الموضوع يمشي ويبتدي يشبطك معاه لحد مايوديك المكان اللي هو عاوزه لو قدر”، لافتا: “من حق أي حد يقول رأيه في أي حد لكن الكذب العلني ده خاصة مع التكنولوجيا الحديثة غباء اجتماعي كبير جدا وتاني بقول ان عيب في حق اي مقدم يبقا عارف ان اللي مستضيفه ليكذب ومعاه دلائل انه كذاب ومايقولوش حاجه!! برضوا ده غباء لإنك بتفقد قيمتك الحقيقية كمحاور!!”.
وقال أخيراً: “على فكره انا بهزر في موضوع احمد السيد..احمد كان لاعيب كويس جدا ومجتهد ومخلص ودمه خفيف جدا من الذ اللاعيبه اللي لعبت معاها في حياتي”.
