من القصص المفيدة قصه Joe Gebbia احد مؤسسي موقع Airbnb المتخصصه في تآجير مساحات او غرف للمستخدمين٫ حاجه زي Uber بس للبيوت القصه بتدور حوالين انه في يوم من الايام بعد ماخلص جامعته كان قاعد في بيته وكان بينقل حجات له جوه البيت وبالصدفه عدي عليه شخص غريب ميعرفوش المهم اتعرفوا علي بعض وقعدوا يتكلموا وعزموا في قعده في البيت، لحد بليل اكتشف ان الشخص اللي قاعد معاه ده من بره المدينه ومعندوش مكان يبات فيه فاعم Joe عزم عليه انه يبات عنده وقد كان، بيقول Joe انه قعد طول الليل مرعوب خايف احسن يكون الشخص ده سيكوباتي او مجنون او يعمل فيه حاجه لحد ماطلع النهار وعدي اليوم وطلعت كل تخيلاته غلط ولحد النهارده الراجل الغريب ده بق واحد من اصحابه.
القصه دي كانت بدايه لفكره موقع Airbnb بعد القصه دي بسنتين اضر Joe انه ينقل حياته لسان فرنسيسكو لكن الحال هناك مكنش كويس كان تقريبا مفلس والاوضه اللي مآجرها ايجارها غلي ومعندوش شغل لحد مافي يوم عرف انه في مؤتمر خاص للمصممين وفي مجموعه كبيره من الفنادق حاضره المؤتمر ده، ومن هنا تعرف علي ٣ من اصدقائه وطلعوا بفكره لموقع كانت الفكره لطيفه فاحاولوا يدوروا علي مستثمرين يساعدوهم بدعم مادي لكن ولا مستثمر اقتنع بفكرتهم ! ومن هنا جت فكره Airbnb انك لو عندك شقه او مكان تقدر تآجر اوضه او اكتر للناس يعيشوا معاك في نفس البيت ويدفعوا فلوس نظير الكام ليله اللي هيقعدهم !
تخيل انك هتصور بيتك بكل تفاصيله بحمامه بمطبخه بكل اوضه انت ممكن تكون بتقفلها لما بيزورك حد وترفع الصور دي علي الانترنت وتستقبل ناس غريبه متعرفهاش ! فكره مرعبه مش كده ؟!
طبعا الفكره كانت صعبه انهم يدعمهم حد ليه لان ببساطه كلنا عارفين ان الناس الغريبه دي يعني خطر ! يخطفونا ولا يقتلونا او حتي يسرقونا ! ومن هنا Joe طلع بفكره Design of trust اللي هو ازاي نقدر نصمم موقع الناس تقدر تثق في بعضها بحيث انهم يقدروا يتعرفوا علي بعض وفي نفس الوقت يعملوا فلوس !
لما بداو يعملوا الموقع عملوا بحث بسيط عن احساس الناس لما بتآجر لبعض حاجه لقوا ان اغلبهم في الاول بيكون متوتر لكن اغلب اللي بيستآجروا بتعاملوا بمسؤليه مع الحاجه اللي بيآجروها، وهنا ساعد فكره Design of trust انهم بيخلوا الناس يكتبوا شويه عن نفسهم هما مين بيعملوا ايه بيحبوا ايه الخ بحيث ان اللي بيآجر والمستآجر يعرفوا بعض ويثقوا في بعض شويه ، وبعد ما المستآجر يخلص يكتب تقيم عن صاحب البيت وكذالك صاحب البيت يكتب تقيم عن المستآجر.
في بحث عملوا مع جامعه Stanford وجدوا ان الناس عادتا بتثق في الناس اللي شبها ولكن لما بتضيف اراء الناس وتقيمهم لبعض الثقه دي بتصل لاعلي درجه ليها حتي لو كنتوا مختلفين عن بعض شويه !
الغريب من الموضوع ده انه ازاي الناس بقت واثقه في بعضها وان ازاي موقع زي ده اتبني علي فكر الثقه مابين ناس ميعرفوش بعض والاهم اراء الناس وانطباعتهم اللي خلت مابين ١٢٣ مليون ليله استضافها الموقع اقل من ١٪ من الناس هما اللي عندهم مشاكل او عندهم انطباعات سيئه عنهم!
في احدي القصص كانت في ارجواي كان احد المستآجرين وهو قاعد عند واحد في البيت جاتله hart attach فا جري بيه صاحب الشقه علي المستشفي وتبرع له بالدم علشان ينقذوا، بعد كام يوم بقى كويس ومشي المستأجر … المثير كان تقيمه:
“Excellent house for sedentary travelers prone to myocardial infarctions, The area is beautiful and has direct access to the best hospitals; Javier and Alejandra instantly become guardian angels who will save your life without even knowing you. They will rush you to the hospital in their own car while you’re dying and stay in the waiting room while the doctors give you a bypass. They don’t want you to feel lonely, they bring you books to read. And they let you stay at their house extra nights without charging you. Highly recommended!”
الموقع ده حاليا عنده اكتر من 785 الف شخص في اكتر من 191 بلد عايشين مع بعض سواء كان مؤجر او مستآجر.
الثقه هي اهم حاجه في الحياه وتصميم ثقه مع الناس من اصعب المهام لاي بزنس، الآهم انك وبتعمل حاجه يكون عندك فكره عن ازاي تقدر تعمل Design of trust.
