من أهم تطبيقات التسويق هو دراسة سلوك المستهلك Consumer Behavior وده علم كبير جدا لأن داخل فيه جزء كبير من علوم النفس والاجتماع .. وبالمختصر أنك بنحاول تدرس وتفهم عقلية المستهلك بتاعك كويس جدا وتحاول تتنبأ بتصرفاته وخصوصا قرار الشراء Purchase Decision .. عشان تقدر تأثر على قرار الشراء ده من خلال منتجاتك أو خدماتك وعروضك الدعائية وغيرها وتحاول تتحكم في شراء المستهلك لمنتج معين في وقت معين وبكمية معينة لتحقيق الربح المطلوب .. وفي نفس الوقت المستهلك يكون مبسوط وسعيد .. ويكون الموضوع Win Win situation
=================
🔖 عشان كدة الموضوع تتطور لدراسة تفاصيل التفاصيل اللي ممكن تأثر على قرار الشراء ولو بنسبة بسيطة .. ومن ضمن الحاجات اللي بتأثر على قرار الشراء هي مكان وطريقة وضع المنتجات وترتيبها في محل البيع النهائي.
🔖 كلنا بنشوف مثلا في كارفور تلاقي العروض كلها مجمعة في مكان واحد في المدخل وتلاقي نفسك لازم تبص عليها حتى لو داخل تشتري حاجة تانية .. وبرضه بتشوف منتجات معينة قريبة من الكاشير وانت بتحاسب وغالبا بتلاقي نفسك رحت شاري حاجة منها وانت بتحاسب مع انك ماكنتش ناوي .. ولما بنشتري غالبا بنختار الحاجة اللي في مستوى نظرنا مباشرة واللي في أول الصف وبنكسل نبص فوق أو تحت أو ندور في الصفوف الخلفية .. علشان كدة تلاقي الزبادي والعيش التاريخ القديم على الوش وقدامك والجديد بيتحط ورا أو فوق أو تحت.
🔖ولذلك حتى في ثلاجات الشوكولاتة كمثال بتلاقي في ترتيب معين لأنواع الشوكولاتة مش محطوطة أي حاجة ..انت لو ركزت شوية هتلاقي في في بعض الثلاجات الخاصة ببراند معين زي كادبوري في ملصق مرسوم عليه الترتيب بتاع المنتجات اللازم اتباعه ويسمى ال Planogram
” visual representations of a store’s products or services. They are considered a tool for visual merchandising ”
================
✔آخر ملاحظتين
كل اللي فات ده مهم جدا بس مش مع كل أنواع المنتجات .. ينفع مع Convenience Products and some of shopping products
بمعنى انك ممكن تتأثر وتجيب ولاعة مثلا أو نوع شوكولاتة أو ملابس بسبب أنها محطوطة قدامك في مكان كويس أو عند الكاشير أو معروضة حلو .. لكن مش ممكن هتتأثر وهتجيب عربية مثلا عشان محطوطة في المعرض بشكل معين.
لأن كل نوع من المنتجات دي ليه طبيعة مختلفة في قرار الشراء وهنبقى نوضح ده بالتفصيل ان شاء الله.
✔الملاحظة الثانية
ترتيب المنتجات وطرق عرضها داخل ضمن نطاق يعرف بال Merchandising وأساس كل الموضوع ده داخل ضمن نطاق ال Category Management وهما مهمين جدا لأي Retail Business بيتعامل مع المستهلك مباشرة
