أكدت المطربة المصرية ساندي أنها كانت تعاني طوال فترة زواجها من مدير أعمالها، حيث أجبرها على العودة للفن مرة أخرى بعد مرور عام فقط على زواجهما.
وأضافت، خلال لقائها مع الإعلامية “منى الشاذلي”، ببرنامج “معكم”، المذاع على فضائية “سي بي سي”: “اتجوزت وأنا عندي 21 سنة، وعشت معاه 8 سنين، وبقالنا أكتر من سنتين منفصلين، بس هو رافض أنه يطلقني لأني مصدر رزق بالنسبة له”.
وتابعت: “تحولت حياتي من حياة زوجية محترمة لأن أكون سبوبة، أنا متجوزوتش عن حب، كان جوازًا عقلانيًا، واتجوزنا بعد 12 يومًا من ما عرفنا بعض، ووالدتي قاطعتني 7 شهور لرفضها الجواز”.
وقالت: “لاقيت نفسي فجأة بقيت الراجل، أنا اللي بصرف وبعمل كل حاجة، طب أيه يجبرني أعيش مع شخص محسوب عليا بني آدم، والناس كانت فاكرة انه هو اللي عملني، مع أن أنا اللي كنت بنتج لنفسي من الحفلات الخاصة وتفاصيل محبش الناس تعرفها”.
