تعرفوا انه كان في Uber قبل ما Uber تبقى موجوده باكتر من ١٠٠ سنه !
سنه ١٩١٤ كان في راجل بياع من لوس انجلوس اسمه LP Draper الراجل ده كان مره ماشي في وسط البلد هناك ولاحظ زحام كبير عند محطه الترام بسبب عدد الناس اللي عاوزين يروحوا وعدد عربات الترام مش مقضياهم ومن هنا جاتله فكره للjitney شبيهه جدا بفكره Uber لكن مع بعض الاختلافات.
وعلق لوحه مكتوب عليها انه يقدر يوديك اي حته ب ٥ سنت، الفكره لاقت نجاح كبير وانتشرت في امريكا كلها في شهور بسيطه لدرجه انه يوميا كان في اكتر من ٥٠ الف رحله للjitney في ساتيل و ٤٥ الف في كانسس و ١٥٠ الف رحله في لوس انجلوس يوميا ! ولسخريه القدر بعد ١٠٠ سنه Uber يوميا بتعمل ١٥٧ الف رحله لوس انجلوس !!
طبعا الوضع ده معجبش الناس المحتكره المواصلات ولا شركات الترام فضغطوا علي الحكومه لعمل قوانين وزياده اسعار للjitney بخلاف التصاريح والموافقات في بعض الولايات كان بيتم وضع قانون ان سائق للjitney لازم يشتغل لمده ١٦ ساعه متواصلة ! في ولايات تانيه كانو بيطالبوا انه يكون في ٢ سائقين علشان يسوقوا للjitney في حالات اخرى وكان لازم يحطوا لمبات في خلف السياره ملهاش اي استخدام غير انها تاخد مكان ! وإنهار المشروع فى عام ١٩١٩.
