نشرت النجمه دنيا سمير غانم بوستر مسلسل في بيتنا روبوت علي حسابها على الانستجرام وقالت”من أجمل المسلسلات الكوميدى اللى شفتها وفريق عمل كله بلا استثناء شاطرين ومشرفين ومجتهدين بطريقة غير عادية ما شاء الله”مضيفة: “برشح فى بيتنا روبوت، لأى حد عايز يتفرج على عمل كوميدى متكامل مظبوط فيه مجهود بيحترم الجمهور، برافو بجد وعملت منشن لي هشام جمال، عمرو وهبة، ليلى زاهر، شيماء سيف ومحمد أوتاكا”.
ونشرت دنيا صوره تجمعها مع هشام جمال وقالت:”ألف مبروك من قلبى يا هشام، على المسلسل الحلو جدا ده، اللى انت مثلت فيه ومحدش حس إنك أول مرة تمثل ما شاء الله، لإنى اتعودت أتفاجأ من مواهبك المتعددة وأنبهر بأفكارك اللى دايما مميزة ما شاء الله من سنة 2011″ألف مبروك لأنك كمنتج قدمت لنا عمل محترم وكنت حريص إنك تدى فرصة لكل حد حواليك إنه يطلع أحسن ما عنده، وتشوف بعينك وجوه جديدة أمتعتنا وحسينا إنهم قريبين مننا ومن بيوتنا المصرية، وكنت شايف كل حد فى دوره مظبوط ولايق عليه.. فخورة بيك جدا جدا وبكل الناس اللى شاركت فى المسلسل”.
مسلسل فى بيتنا روبوت، بطولة شيماء سيف، عمرو وهبة، ليلى زاهر، هشام جمال، دلال عبد العزيز، دنيا سامى، أوتاكا، مى دياب، نيللى محمود، وعدد من ضيوف الشرف وعلى رأسهم أحمد زاهر، هشام ماجد، ناهد السباعى، أوس أوس، شيرين، عارفة عبد الرسول، حنان سليمان، سامى مغاورى من تأليف أحمد محيى وأحمد المحمدى وإخراج وليد الحلفاوى.
